Hoti ndan mirënjohje për drejtorët e shkollave të Malishevës - Bota Sot
Hoti ndan mirënjohje për drejtorët e shkollave të Malishevës

Kosova

Hoti ndan mirënjohje për drejtorët e shkollave të Malishevës

Më: 9 dhjetor 2019 Në ora: 16:24
Foto

Koordinatori Nacional për Kulturë, Rini dhe Sport në Qeverinë e Kosovës, Rexhep Hoti është takuar me drejtorin komunal të arsimit, Blerim Thaçi dhe drejtorët e shkollave të komunës së Malishevës. Ata biseduan për Programin Nacional për Rininë, për suksesin e nxënësve të treguar në garat paraprake si dhe për garat që po mbahen tani.

Hoti u nda i kënaqur me punën dhe përkushtimin e DKA-së e të drejtorëve të shkollave duke thënë se ata janë shtylla kryesore për arritjen e sukseseve në gara.

“Ne së bashku me ju kemi realizuar një program nga i cili janë shpallur gjithsej 44723 fitues në garën nacionale të Kreativitetit Kulturor dhe Mendimit Kritik dhe atyre të Diturisë. E gjithë jo punë nuk ka qenë e lehtë dhe gjatë rrugës jemi përballur edhe me sfida mirëpo ato i kemi kaluar me ndihmën e secilit prej jush. Malisheva ka gjithsej 2670 fitues në të dyja garat në të tria nivelet. Ky sukses i nxënësve të komunës tuaj nuk do të ishte i mundur pa punën dhe përkushtimin e juaj, për çka unë jam shumë i kënaqur”, tha Hoti.

Drejtori komunal i Arsimit, Blerim Thaçi, tha se është i kënaqur me sukseset e nxënësve të komunës së tij dhe se garat janë mundësi e nxënësve për të shfaqur talentet e tyre.

“E përgëzoj Koordinatorin Hoti për projektin për të cilin unë mendoj se është shumë i qëlluar. E falënderoj gjithashtu për këtë mundësi që po u jepet nxënësve që të tregojnë talentet e tyre. Po ashtu një falënderim i veçantë shkon edhe për drejtorët e shkollave për bashkëpunimin dhe mirëkuptimin e treguar gjatë realizimit të garave. Unë jam i kënaqur me sukseset e arritura në komunën e Malishevës”, tha Thaçi duke shtuar se pret suksese edhe në garat që janë duke u organizuar tani.

Në shenjë falënderimi për kontributin e dhënë në organizimin e garave, Koordinatori Hoti, ndau mirënjohje për drejtorët e shkollave, drejtorin dhe stafin e DKA të angazhuar për gara.

Shfaq komentet
comments powered by Disqus
Sot mund të lexoni Shfletoni kopertinat