Ju sjellim ngjarjet më të rëndësishme të ditës së sotme
09:30 Mbahet konferenca kushtuar projektit “Mbështetja e zinxhirit të vlerave të BMA përmes krijimit të punësimit dhe vazhdimit të eksportit”. (Hotel “Nartel”, Prishtinë)
09:30 Grupi Parlamentar i Aleancës për Ardhmërinë e Kosovës, së bashku me kryetarët e komunave të udhëhequra nga AAK-ja, e struktura të tjera, me rastin e 21-vjetorit të masakrës së Reçakut, bëjnë homazhe në nderim të viktimave të kësaj masakre. (Kompleksi Përkujtimor, Reçak)
10:00 Mbahet takim publik ndërmjet qytetarëve dhe anëtarëve të Kuvendit të Komunës së Fushë-Kosovës. (Salla e Kuvendit të Komunës së Fushë-Kosovës)
10:00 Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për 203 nxënës fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Gjilanit. (Shkolla “Selami Hallaqi”, Gjilan)
10:20 Presidenti i Kosovës, Hashim Thaçi, bën homazhe në Reçak. (Kompleksi Përkujtimor në Reçak)
11:00 Mbahet Akademi Përkujtimore për masakrën e Reçakut. Merr pjesë edhe presidenti Hashim Thaçi. (“Shtëpia e Kulturës”, Shtime)
11:00 Drejtori i Përgjithshëm i Administratës Tatimore të Kosovës (ATK) Ilir Murtezaj, mban konferencë për medie, në të cilën do të prezantojë rezultatet e raportit vjetor të punës për vitin 2019. (Zyra qendrore e ATK-së, Prishtinë)
13:30 Kryetari i Kuvendit të Kosovës, Glauk Konjufca, me rastin e 21-vjetorit të masakrës së Reçakut bën nderime në Kompleksin Përkujtimor në Reçak. (Reçak)
15:00 Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për 57 nxënës fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Mamushës. (Shkolla Fillore “Anadolu” në Mamushë)
