Konjufca priti në takim një grup prej 120 studentësh nga Austria - Bota Sot
Konjufca priti në takim një grup prej 120 studentësh nga Austria

Kosova

Konjufca priti në takim një grup prej 120 studentësh nga Austria

Më: 17 janar 2020 Në ora: 17:53
Konjufca priti në takim një grup prej 120 studentësh nga Austria

Kryetari i Kuvendit, Glauk Konjufca, priti sot në takim një grup prej 120 studentësh nga Universiteti i Vjenës, të cilët po qëndrojnë për vizitë në Kosovë.

Pasi u uroi mirëseardhje studentëve nga Austria, para tyre kryetari Konjufca shpalosi një historik të shkurtër të shtetndërtimit të Kosovës, duke përmendur kështu edhe sfidat me radhë.

“Kosova ka hasur në shumë pengesa dhe ka kaluar në shumë procese të rëndësishme deri tek arritja e pavarësisë”, theksoi kryeparlamentari Konjufca.

Po ashtu, kryetari Konjufca foli edhe për rolin e rëndësishëm të Kuvendit, për sigurimin e të drejtave e lirive të njeriut e të komuniteteve, për përfaqësimin e vullnetit të qytetarëve pa asnjë dallim, dhe për kontrollin mbi qeverinë, organet e tjera që zgjedh dhe për zbatimin e Kushtetutës e të legjislacionit në fuqi.

Në anën tjetër, studentët ishin shumë kureshtarë të dinin më shumë rreth Kosovës dhe proceseve politike me të cilat ajo përballet. Për këtë arsye ata parashtruan pyetje, të cilave kryetari Konjufca iu dha përgjigje konkrete.

Sot mund të lexoni Shfletoni kopertinat