Të burgosurat në Lipjan fillojnë prodhimin e maskave kirurgjikale

Kosova

Të burgosurat në Lipjan fillojnë prodhimin e maskave kirurgjikale

Më: 23 mars 2020 Në ora: 11:55
Foto nga vendi i ngjarjes

Në kuadër të implementimit të planit operativ “Corona Virus” me qëllim të mbrojtjes së të burgosurve dhe punonjësve të Shërbimit Korrektuese të Kosovës nga Pandemia “Covid-19”, të burgosurat në QKFL kanë filluar prodhimin e maskave kirurgjikale.

Për prodhimin e maskave kirurgjikale, me rekomandim të mjekëve profesionalë po përdoret material në të cilin nuk depërtojnë mikroorganizmat, pas kalkulimit të kostos së prodhuar, këto maska kushtojnë vetëm 0.10 cent për copë.

Shërbimi Korrektues i Kosovës përmes këtij prodhimi, synon në uljen e shpenzimeve ekonomike në maska kirurgjikale dhe në rritjen e nivelit të parandalimit nga pandemia “Covid -19” nëpër të gjitha institucionet korrektuese.

Maskat e prodhuara nga të burgosurat e QKLF-së, fillimisht do të përdoren për nevojat e të gjitha institucioneve korrektuese dhe atyre të paraburgimit, e nëse është e nevojshme edhe për institucionet të tjera shtetërorë.

Shfaq komentet
comments powered by Disqus
Sot mund të lexoni Shfletoni kopertinat