Policia e Kosovës ka njoftuar se ka arrestuar tre persona, dy në Prishtinë dhe një në Podujevë, për moszbatim të vendimit të Qeverisë për izolim lidhur me coronavirusin.
Personi i parë është arrestuar pasi që nuk i ka respektuar rekomandimet e mjekëve lidhur me vetë izolimin shëndetësor gjatë epidemisë.
Arrestimi i personit tjetër në Prishtinë është bërë për shkak se i njëjti është hasur në lokalin e tij duke mos respektuar vendimet e marra për parandalim të pandemisë. I njëjti është intervistuar dhe me vendim të prokurorit është liruar në procedurë të rregullt.
Kurse personi i tretë i arrestuar në Podujevë është bërë për shkak se i njëjti është hasur poashtu në lokalin e tij duke mos respektuar vendimet e marra për parandalim të pandemisë. I njëjti është intervistuar dhe me vendim të prokurorit është liruar në procedurë të rregullt.
