Meteorologët në Kosovë dhe rajon raportojnë se stuhia më e fuqishme e borës e këtij dimri pritet pikërisht në ditën e parë të Prillit
Sipas meteorologëve reshje bore sonte do të fillojnë në Kosovë dhe këto reshje pritet të intensifikohen gjatë natës dhe ditës së nesërme.
Në tërë territorin e Republikës së Kosovës pritet krijimi i shtresave të borës duke përfshirë edhe ultësira. Në viset kodrinore-malore do të ketë reshje intensive bore deri në 30 cm, lokalisht edhe më shumë. Nëpër ultësira trashësia e borës do të jetë afërsisht nga 8 deri në 25 cm.
Temperaturat do të pësojnë ulje të theksuara dhe gjatë netëve të ardhshme.
Të enjtën na pret mot i freskët dhe pa reshje atmosferike.
