Kryetari i Rahovecit Smajl Latifi ka thënë se shqetësim serioz i fermerëve mbetet fakti se ende nuk janë bërë të gjitha pagesat direkte për vitin 2019.
Në emisionin Ora Shtatë, ai ka thënë se problemi tjetër është se Ministria e Bujqësisë, Pylltarisë dhe Zhvillimit Rural, ende nuk e ka lëshuar thirrjen për subvencione dhe grante për vitin 2020.
“Ata [fermerët] mund të shkojnë në tokat e tyre dhe t’i realizojnë detyrat, por shqetësimet serioze janë se ende nuk janë bërë të gjitha pagesat direkte për vitin 2019. Pra jo të gjithë fermerët i kanë marrë subvencionet”.
“Po ashtu Ministria e Bujqësisë, Pylltarisë dhe Zhvillimit Rural nuk e ka lëshuar thirrjen për subvencione dhe grante për vitin 2020”.