Nga 16 punonjësit shëndetësor të Qendrës Kryesore të Mjekësisë Familjare në Komunën e Vushtrrisë të cilët kanë qenë në vetizolim vetëm njëri prej tyre ka dalë pozitiv.
Kjo për shkak se të njëjtit i kanë ofruar shërbime mjekësore pacientit të mbrëmshëm nga fshati Studime e Epërme i cili doli pozitiv me Covid-19.
Punëtori shëndetësor i cili ka pasur kontakt më së shumti me pacientin e infektuar ka dalë dje pozitiv në testimet e IKSHPK-së.
Kjo u bë e ditur nga kryetari i kësaj komune, i cili tha se edhe pse punëtori shëndetësor ka qenë me mjete mbrojtëse nuk ka arritur t’i ikë infeksionit.
Në Vushtrri janë konfirmuar gjithsej 33 raste me Covid-19, ku prej tyre një ka vdekur dhe gjashtë të tjerë janë aktiv.
Në mesin e të infektuarve janë dy punëtor shëndetësor.
