Komuna e Suharekës sonte shënoi dy raste të reja me koronavirus, ani pse kryetari i kësaj komune, Bali Muharremaj, kishte thënë se e ka mbyllur zyrtarisht pandeminë.
Sipas Institutit Kombëtar të Shëndetit Publik, një nga dy rastet e reja nga komuna e Suharekës vjen nga fshati Bllacë dhe një nga qyteti.
Rastet pozitive janë raste kontakti nga: komuna e Prizrenit 19 raste (sipas vendbanimit:15 raste Prizren, 1 rast Romajë, 1 rast Lubiçevë, 1 rast Kijevë dhe 1 rast Nashec) dhe nga komuna e Suharekës 2 raste (sipas vendbanimit:1 rast Bllacë dhe 1 rast Suharekë)”, thuhet në njoftimin e IKSHPK-së.
Me këtë rast, Muharrmeaj ka apeluar që të vazhdohet me repektimin e masave për parandalimin e përhapjes së koronavirusit.
“Sapo jemi informuar se i kemi 2 raste sërish me Covid-19 në Komunën tonë. Ne duhet të vazhdojmë me zbatimin e masave nga institucionet shëndetësore, që ta ndalojmë përhapjen e mëtejme të virusit”, ka shkruar ai në Facebook.
