Personi që infektoi 8 persona në Vushtrri, kishte frekuentuar 3 ordinanca private - Bota Sot
Personi që infektoi 8 persona në Vushtrri, kishte frekuentuar 3 ordinanca private

Kosova

Personi që infektoi 8 persona në Vushtrri, kishte frekuentuar 3 ordinanca private

Më: 26 maj 2020 Në ora: 23:19
Foto Ilustrim

Pas tetë rasteve të reja të konfirmuara në Vushtrri me koronavirus, kryetari i kësaj komune, Xhafer Tahiri tha se këto raste kanë qenë raste kontakti me të infektuarin që doli pozitiv në ditën e shtunë.

Tahiri tha se personi i cili doli pozitiv ditën e shtunë kishte frekuentuar tri ordinanca private, por të njëjtat nuk e kanë rekomanduar për testim për Covid-19, anipse ka pasur shenja.

Nga ky person, sot janë infektuar 8 persona, në mesin e tyre janë tre punëtorë shëndetësorë.

Tahiri në një lidhje direkte në RTV Dukagjin, po ashtu tha se për dy javët e ardhshme shërbimet si Rentgen dhe marrja e infuzioneve do të jenë të mbyllura, kështu që ta ruajnë personelin mjekësorë.

Të gjitha rastet e kontakti në Vushtrri janë në vetizolim, duke përfshirë edhe ata që kanë rezultuar negativ për Covid-19.

Deri tani kjo komunë ka shënuar gjithsej 55 raste me koronavirus, ku 31 prej tyre janë aktive.

Shfaq komentet
comments powered by Disqus
Sot mund të lexoni Shfletoni kopertinat