Hemodializa e QKUK-së punoi pa pushim gjatë pandemisë, u realizuan 7 mijë e 800 seanca - Bota Sot
Hemodializa e QKUK-së punoi pa pushim gjatë pandemisë, u realizuan 7 mijë e 800 seanca

Kosova

Hemodializa e QKUK-së punoi pa pushim gjatë pandemisë, u realizuan 7 mijë e 800 seanca

Më: 2 qershor 2020 Në ora: 13:21
Ilustrim

Klinika e Nefrologjisë në Qendrën Klinike Universitare ka punuar me kapacitet të plotë, duke ofruar shërbimet e nevojshme mjekësore për pacientët, pavarësisht situatës së krijuar me virusin COVID-19.

Gjatë tre muajve të fundit, në Repartin e Nefrologjisë janë pranuar 103 pacientë për trajtimin të mëtutjeshëm.

Siç është bërë e ditur me anë të një komunikate për media, brenda kësaj kohe, gjithashtu, në Repartin e Hemodializës janë realizuar më shumë se 7800 seanca.

Shifrat e nxjerra nga raporti i punës, janë të dhëna për pacientët e përfshirë në programin e rregullt.

Nga 8 prilli deri më 25 maj, ndërkaq, janë kryer 33 seanca të hemodializës për pacientët me COVID 19 në Klinikën Infektive.

Shfaq komentet
comments powered by Disqus
Sot mund të lexoni Shfletoni kopertinat