Vetizolohen pesë personat e infektuar me koronavirus në Podujevë - Bota Sot
Vetizolohen pesë personat e infektuar me koronavirus në Podujevë

Kosova

Vetizolohen pesë personat e infektuar me koronavirus në Podujevë

Më: 2 qershor 2020 Në ora: 14:08
Foto

Komuna e Podujevës ka njoftuar se pesë personat që rezultuan mbrëmë pozitivë për COVID-19, tashmë janë në vetizolim.

Përmes një postimi në faqen zyrtare, Komuna ka bërë me dije se katër raste janë nga një familje e fshatit Dobërdol dhe burimi i infeksionit është kontakti me një person nga Komuna e Prishtinës, kurse rasti i pestë është një qytetar i Podujevës, i cili dy ditë më parë ka ardhur nga Austria.

Siç ka njoftuar komuna, menjëherë pas konfirimimit të rasteve janë ndërmarrë veprimet e nevojshme, janë kontaktuar familjet e të infektuarve dhe është bërë dezinfektimi i shtëpive ku banojnë ata.

“Nënkryetari Rudari kërkoi që të ndërmerren masat konform me udhëzimet e IKSHPK, të vetizolohen personat e prekur me COVID-19 dhe të kryhen kontrolle mjekësore në familjet e tyre. Gjatë takimit të sotëm u ngrit si shqetësim edhe çështja e pjesëmarrjes së qytetarëve në ceremonitë mortore dhe organizmit të pritjes për ngushëllime”, thuhet në njoftim.

Në komunën e Podujevës, që nga shpallja e pandemisë e deri më tani janë regjistruar gjithsej 14 raste të personave të infektuar më COVID-19, prej tyre 8 pacientë janë shëruar, kurse një qytetar i infektuar ka ndërruar jetë.

Njoftimi i plotë, pa ndërhyrje:

Vetizolohen pesë personat e infektuar me COVID-19 në Komunën e Podujevës

Shtabi Emergjent i Komunës së Podujevës për veprime dhe masa parandaluese e mbrojtëse nga COVID-19, në takimin e sotëm ka diskutuar për veprimet që duhet të ndërmerren pas raportimit të pesë rasteve të reja me të infektuar me koronavirus.

Në takimin e sotëm të Shtabit Emergjent, të cilin e udhëhoqi nënkryetari i Komunës, Nexhmi Rudari, u tha se pas testimeve të kryera në Laboratorin e Mikrobiologjisë Molekulare në IKSHPK të hënën kanë rezultuar pesë persona të infektuar me COVID-19 nga komuna e Podujevës.

Katër raste janë nga një familje e fshatit Dobërdol dhe burimi i infeksionit është kontakti me një person nga Komuna e Prishtinës, kurse rasti i pestë është një qytetar i Podujevës, i cili dy ditë më parë ka ardhur nga Austria.

Menjëherë pas konfirimimit të rasteve janë ndërmarrë veprimet e nevojshme, janë kontaktuar familjet e të infektuarve dhe është bërë dezinfektimi i shtëpive ku banojnë ata.

Nënkryetari Rudari kërkoi që të ndërmerren masat konform me udhëzimet e IKSHPK, të vetizolohen personat e prekur me COVID-19 dhe të kryhen kontrolle mjekësore në familjet e tyre.

Gjatë takimit të sotëm u ngrit si shqetësim edhe çështja e pjesëmarrjes së qytetarëve në ceremonitë mortore dhe organizmit të pritjes për ngushëllime.

Shtabi komunal apelon te qytetarët, që pavarësisht lehtësimit të masave, të vazhdohet me respektimin e rekomandimeve dhe masave mbrojtëse nga IKSHPK, të shmangen tubimet dhe të ruhet distanca sociale.

Në komunën e Podujevës, që nga shpallja e pandemisë. deri më tani janë regjistruar gjithsej 14 raste të personave të infektuar më COVID-19, prej tyre 8 pacientë janë shëruar, kurse një qytetar i infektuar ka ndërruar jetë.

Shfaq komentet
comments powered by Disqus
Sot mund të lexoni Shfletoni kopertinat