Kuvendi i Komunës së Malishevës në mbledhjen e katërt të rregullt ka dalë me deklaratë për Luftën e Ushtrisë Çlirimtare të Kosovës.
Deklaratën në emër të grupeve të këshilltarëve të partive politike të përfaqësuara në Kuvendin e Komunës së Malishevës e lexoi, Sylë Dukolli, nga Nisma Socialdemokrate.
“Ne anëtarët e Kuvendit Komunal të Malishevës nëpërmjet kësaj Deklarate, konsiderojmë që Gjykata Speciale është padrejtësia më e madhe, që pas shpalljes së Pavarësisë së saj. Lufta e Ushtrisë Çlirimtare të Kosovës, ka qenë e drejtë edhe e pastër, që ka mbrojtur popullin, nga shfarosja e forcave pushtuese serbe. Andaj Kuvendi i Komunës së Malishevës mbron fuqishëm Luftën Çlirimtare të UÇK-së dhe vlerat e sajë sublime”, përfundon deklarata.
