15 persona janë shëruar nga koronavirusi në Komunën e Deçanit.
Kështu ka bërë të ditur kryetari i kësaj komune, Bashkim Ramosaj i cili tha se aktualisht janë edhe 28 raste aktive.
“Sot në komunën tonë u konfirmuan edhe dy raste pozitive me COVID-19. Një rast nga fshati Baballoq dhe një rast nga fshati Isniq. Deri më sot në komunën tonë janë të identifikuara 43 raste me virusin SARS-CoV-2. Prej tyre 15 të shëruar plotësisht dhe 28 raste janë akoma aktive. Kujdesuni për veten dhe familjen!”, ka shkruar Ramosaj.
Ndryshe sot është shënuar rekord i numrit të viktimave në Kosovë, ku për 24 orë kanë humbur jetën 16 persona.