Më i madhi 4 vjeç e më i vogli 3 muaj, po kujdesen nga gjyshërit e tyre, gjendja e tyre është e mirë
Në një shtëpi me qera, larg asaj që ndodhi vrasja e gruas në fshatin Berivojcë, po qëndrojnë tre fëmijët e qiftit nga Kamenica.
Aty dyshohet se një 42 vjeçar, vrau gruan e tij 34 vjeçare duke e goditur me një shufër metalike.
I dyshuari tani gjendet në paraburgim për 30 ditë, ku pritet të qëndroj deri në një vendim të gjykatës.
Ndërsa në ditën që ndodhi vrasja, tre fëmijët e këtij qifti u morën nga gjyshërit e tyre, ku edhe po iu ofrohet strehim e kujdes.
E vendimin për këtë përkujdesje u mor nga Qendra për Punë Sociale në Kamenicë.
Tre fëmijëve do iu ofrohet edhe një ndihmë sociale nga kjo qendër.
Edhe në komunën e Kamenicës janë në dijeni për gjendjen e fëmijëve, ndërsa thonë që po presin edhe vendimin e gjykatës për të dyshuarin.
Sipas institucioneve lokale, gjendja ekonomike e gjyshërve të fëmijëve është e rëndë, si dhe bëjnë apel që të ndihmohen në çfarëdo mundësie.