Gjatë 24 orëve të fundit në Malishevë pesë persona kanë rezultuar pozitivë me COVID-19, një prej tyre dy ditë pas vdekjes.
Lajmin e kanë bërë të ditur nga komuna përmes një njoftimi në faqen zyrtare në Facebook.
Numri i rasteve aktive me COVID-19 në Komunën e Malishevës, është rritur në 39, kurse numri i viktimave në 8.
Gjendja aktuale me COVID-19 në Komunën e Malishevës, është kjo: Nga 135 të prekur, 88 janë shëruar, 39 raste janë aktive dhe 8 raste kanë përfunduar me vdekje.
Rastet e sotme, të konfirmuara nga IKSHPK, janë: 1 rast në Malishevë, 1 në Lladrovc, 1 në Kijevë, 1 në Llazicë dhe 1 rast i konfirmuar dy ditë pas vdekjes në Shkozë.
