Brenda një dite në Deçan shërohen katër persona nga COVID-19, mbesin aktive edhe 26 raste

Kosova

Brenda një dite në Deçan shërohen katër persona nga COVID-19, mbesin aktive edhe 26 raste

Më: 4 gusht 2020 Në ora: 16:09
Foto Ilustrim

Në komunën e Deçanit sot janë konfirmuar edhe dy raste të reja me COVID-19. Sipas njoftimit të IKSHPK-së, të dy rastet janë nga fshati Carrabreg i kësaj komune.

Kryetari i Deçanit, Bashkim Ramosaj ndërkaq ka njoftuar se sot në këtë komunë janë shëruar edhe katër qytetarë dhe numri i të shëruarve ka arritur në 19, kurse gjithsejtë raste të konfirmuara me COVID-19 janë 54.

“Sot edhe katër (4) të shëruar në komunën tonë nga #COVID19, dhe dy (2) raste te reja pozitive, dy (2) rastet nga fshati Carrabreg. Deri më sot në komunën tonë janë të identifikuara 54 raste me virusin SARS-CoV-2. Prej tyre 19 të shëruar plotësisht dhe 26 raste janë akoma aktive. Kujdesuni për veten dhe familjen”, ka shkruar Ramosaj në Facebook.

Ndryshe, sot është mbajtur edhe takimi i Shtabit Operativ Emergjent komunal, ku është diskutuar për respektimin e masave nga IKSHPK dhe Qeveria e Kosovës për menaxhimin e situatës për parandalimin e COVID-19.

Shfaq komentet
comments powered by Disqus
Sot mund të lexoni Shfletoni kopertinat