Banorët e Matiqanit që nga mëngjesi i sotëm janë duke u përballur me mungesë të energjisë elektrike. Në terr këta banorë do të qëndrojnë deri në orën 21:00 të mbrëmjes së sotme.
Zëdhënësi i Kompanisë për Furnizim me Energji Elektrike (KEDS), Viktor Buzhala, ka thënë se kjo ndërprerje është bërë për shkak të ndërrimit të trafove.
“KEDS-i këtë vit është duke investuar në krejt Prishtinën edhe kur të ndërrojmë trafot dhe pajisjet teknike detyrohemi ta ndalim rrymën. Zakonisht ndërrimi i tarifove bëhet në periudhën e verës, pasi qytetarëve i’u duhet më pak energjia elektrike sesa dimrit”, ka thënë Buzhala.
Më tej, ai tha se për këto ndërprerje qytetarët janë njoftuar më herët përmes medieve.
