Një i shëruar dhe një rast i ri me koronavirus është shënuar në 24 orët e fundit në Komunën e Deçanit.
Rasti i ri është nga fshati Gllogjan.
Kryetari i Komunës së Deçanit, Bashkim Ramosaj, ka bërë të ditur se numri i rasteve aktive me koronavirus ka arritur në 37.
“Edhe një person i shëruar sot dhe një tjetër i identifikuar me virusin SARS-CoV-2 në komunën tonë, përkatësisht nga fshati Gllogjan. Deri më sot në komunën tonë janë të identifikuara 79 raste me virusin SARS-CoV-2. Prej tyre 44 të shëruar plotësisht dhe 35 raste janë akoma aktive”, ka shkruar Ramosaj.