Për sot, janë thirr dy mbledhje të jashtëzakonshme të Kuvendit të Komunës së Malishevës, të cilët paraprakisht nuk ishin mbajtur në mungesë të kuorumit, por edhe sot këto mbledhje nuk u mbajtën, pasi në sallë ishin të pranishëm vetëm 7 nga 31 anëtarët e Kuvendit të Komunës.
Kryesuesi i Kuvendit të Komunës së Malishevës, Rrahim Morina, ka bërë të ditur se njoftimet janë bërë me kohë, po ashtu edhe në faqen zyrtare të komunës, si dhe anëtarët e KK-së, janë njoftuar edhe përmes telefonit, por siç po shihet, shumica nuk kanë marrë pjesë dhe detyrimisht mbledhjet nuk kanë mundur të mbahen.
