Ministri i Punëve të Brendshme, Agim Veliu ka pritur në takim kryetarin e Vitisë, Sokol Halitin.
Veliu përmes një shkrimi ka treguar se kanë biseduar për menaxhimin e situatës pandemike.
Postimi në Facebook:
Sot, prita në takim kryetarin e Komunës së Vitisë, Sokol Haliti, me të cilin bisedova për situatën e përgjithshme sa i përket menaxhimit të situatës me pandeminë COVID-19.
Me këtë rast, e përgëzova Kryetarin Haliti dhe Shtabin emergjent lokal për angazhimin e madh dhe të suksesshëm në menaxhimin e situatës në Komunën e Vitisë.
Po ashtu, në takim biseduam edhe çështje që ndërlidhen me bashkëpunimin tonë, duke u fokusuar në angazhimet për funksionalizimin e Ligjit për zyrtarë publikë.