Disa ditë më parë, Komuna e Drenasit përmes një reagimi ka njoftuar se në bazë të matjes së performancës së komunave në Republikën e Kosovës, Drenasi ka qenë komuna më transparente e llogaridhënëse në shërbimin ndaj qytetarëve, duke u radhitur kështu në vendin e parë.
Pas këtyre rëzultateve, ka pasur reaguime duke e konstatuar vlerësimet e performancës së lartë të Drenasit.
Për këtë, kryetari i kësaj komune, Ramiz Lladrovci ka thënë se kjo gjë ju dhemb shumë personave dhe se duhet të jesh kokrra e budallës për të kontestuar vlerësimet nga institucionet më kredibile.
“Duhet të jesh fort i mashtruar të kontestosh vlerësimet e vazhdueshme të institucioneve vendore e ndërkombëtare për sukseset e Komunës së Drenasit”, ka shkruar Lladrovci, përcjell “Bota sot”.
Postimi i plotë
E di se ju dhemb, megjithatë, jemi të parët në Kosovë!
Duhet të jesh kokrra e budallës për të kontestuar vendin e parë të komunës së Drenasit në Kosovë, për performancë,
apo ta kontestosh vlerësimet e tërë vitit të performancës nga institucioni më kredibil për pushtetin lokal,
apo ta kontestosh vlerësimin e performancës nga tri ambasada të respektuara për performancën e Drenasit.
Duhet të jesh kokrra e axhamisë të kontestosh marrjen e 803,977.35 eurove në konkurrencë e garë tepër të fortë me 38 komunat tjera,
Duhet të jesh fort i mashtruar të kontestosh vlerësimet e vazhdueshme të institucioneve vendore e ndërkombëtare për sukseset e Komunës së Drenasit.
Këtë mund e bën vetëm dikush që kryen punën e argatit të mashtruar,
Këtë mund e bën dikush që në këto katër vjet nuk ka arrit të mashtroj, as të vjedh, as të bëj manipulime në komunën e Drenasit,
Këtë e bën dikush që nuk e di se çka është fakti, nuk e di çka është performanca.
Komuna e Drenasit është e para për performancë për vitin 2019!
Qytetarëve ju duhen fonde për projektet infrastrukturore dhe përmirësimin e cilësisë së jetës. Ne me vendin e parë i kemi fituar 803.977,35 euro dhe Projektin e Bankës Botërore për aftësimin e të rinjve të komunës tonë.
Sa jam unë kryetar në Drenas, paligjshmëria nuk kalon!
Sa jam unë kryetar në Drenas, hajnat nuk do ta menaxhojnë komunën as pronat e saj!
Sepse unë e kam mandatin të punoj për qytetarin, pa ndërmjetës që spekulojnë me lojra të ndyra, me shantazhe, korrupsion dhe protekcionizëm. Sepse, ata axhami që ende nuk e dinë, unë jam Ramiz Lladrovci, deri sot kam qenë dhe mbetem i pathyeshëm.
Sa jam unë kryetar, qytetarët e komunës së Drenasit do ta prekin dhe shohin në vepër zbatimin e ligjit, por nuk lejoj kurrë të jetë komunë e përkulur as e nënçmuar nga askush e as nga ndonjë komandant zone, pavarësisht nga vjen.
Sepse, unë jam Ramiz Lladrovci, kryetar i zgjedhur nga vota qytetare, jo nga spekulantët e mashtruesit. Kam marrë besimin e PDK-së për t'i pri komunës dhe këtë e arsyetoj me performancën e shkëlqyer çdo vit, duke qenë edhe kampion për 2019.
Ne vazhdojmë të punojmë, asgjë nuk mund të na ndal në këtë rrugë!
