Kuvendi Komunal i Mitrovicës Jugore, në një mbledhje të mbajtur sot, ka marrë vendim që të ndajë nga 100 euro për çdo fëmijë të lindur në këtë komunë.
Propozimi u dha nga Grupi Parlamentar i VV-së dhe u votua me shumicë votash.
Kështu, Mitrovica po iu bashkohet disa komunave që japin para për çdo fëmijë që lind.
Por, duhet theksuar se Mitrovica e ka shumën më të ulët për këtë pagesë, pasi komunat e tjera japin nga 130, 160 e 200 euro për çdo fëmijë që lind.