Asnjë rast i ri me COVID-19 nuk është regjistruar gjatë ditës së sotme në territorin e Komunës së Malishevës, ndërsa një person është shëruar.
Kështu është e bërë e ditur në raportin zyrtar për situatën epidemiologjike në Komunën e Malishevës, duke u bazuar në komunikimin e rregullt në mes të komunës dhe IKSHPK.
Në Malishevë, momentalisht janë 13 raste aktive.
Gjendja e përgjithshme me COVID-19 në Komunën e Malishevës, është kjo: Gjithsej të prekur me covid-19, nga fillimi i pandemisë e deri më sot, janë 272 persona, prej tyre 235 persona janë shëruar plotësisht, 24 persona kanë vdekur dhe aktiv me koronavirus janë edhe 13 persona.
