Ministria për Komunitete dhe Kthim lanson linjë telefonike për të raportuar korrupsionin

Kosova

Ministria për Komunitete dhe Kthim lanson linjë telefonike për të raportuar korrupsionin

Më: 9 dhjetor 2020 Në ora: 10:59
Foto ilustrim

Sot shënohet Dita Ndërkombëtare Kundër Korrupsionit.

Pikërisht më 9 dhjetor të vitit 2003 në Kombet e Bashkuara u mblodhën më shumë se 100 përfaqësues shtetesh nga e mbarë bota për të nënshkruar Konventën Ndërkombëtare Kundër Korrupsionit.

Ministri për Komunitete dhe Kthim, Dalibor Jevtiq, thotë së korrupsioni është pengesa kryesore në rrugën e çdo zhvillimi.

“Korrupsioni është pengesa kryesore në rrugën e çdo zhvillimi dhe krijimi të institucioneve të rregullta dhe efikase, dhe për këtë mbështetja e vetë qytetarëve është e nevojshme sepse lufta kundër korrupsionit është detyrim i të gjithëve” tha Jevtiq.

Ministri Jevtiq vuri në dukje se një luftë efektive kundër korrupsionit dhe ç’rrënjosjen e saj të plotë është e mundur vetëm nëse ata që raportojnë korrupsionin gëzojnë mbrojtje dhe siguri të plotë, dhe kjo është arsyeja pse institucioni që ai drejton ka ndërmarrë hapa konkretë në atë drejtim.

Gjegjësisht, një linjë e veçantë telefonike për raportimin e korrupsionit është instaluar me sukses në Ministrinë për Komunitete dhe Kthim.

Duke telefonuar në numrin 0800 01 800, të gjithë qytetarët, çdo ditë pune nga ora 8:00 deri në orën 16:00, mund të raportojnë korrupsionin në lidhje me punën e Ministrisë për Komunitete dhe Kthim plotësisht dhe në mënyrë anonime.

Çdo raport i korrupsionit duke telefonuar në 0800 01 800 regjistrohet automatikisht, dhe Policia e Kosovës dhe autoritetet kompetente gjyqësore dhe Zyra e Prokurorit, në përputhje me ligjin, do të ndërmarrin veprime hetimore dhe procedurale bazuar në raportet. Në rast të raporteve me qëllim të keq, të rremë dhe të pabazuar, personat mund të mbajnë pasojat në përputhje me ligjin.

Ministri Jevtic, me iniciativën e të cilit u instalua linja telefonike për raportimin e korrupsionit, vuri në dukje se kjo ide është në përputhje me politikën gjithëpërfshirëse të Ministrisë për Komunitete dhe Kthim dhe fillimin e krijimit të një sistemi të organizuar për raportim efikas dhe luftë kundër korrupsionit.

“Pjesëmarrja aktive e mediave dhe organizatave të shoqërisë civile është e nevojshme në luftën kundër korrupsionit dhe qëllimi ynë kryesor duhet të jetë një shoqëri pa korrupsion, sepse vetëm një besim i tillë midis qytetarëve dhe institucioneve nuk do të jetë në asnjë mënyrë i dyshimtë” përfundoi Jevtiq.

Ministria për Komunitete dhe Kthim ka instaluar një linjë për raportimin e korrupsionit në bashkëpunim me Autoritetin Rregullator të Komunikimeve Elektronike dhe Postare dhe Telekomit të Kosovës.

commentFirst article
Sot mund të lexoni Shfletoni kopertinat