​Për herë të parë në Kosovë kryhet operacioni i arteries karotide të brendshme

Kosova

​Për herë të parë në Kosovë kryhet operacioni i arteries karotide të brendshme

Më: 31 dhjetor 2021 Në ora: 13:01
Foto nga vendi i ngjarjes

Në Klinikën e Kirurgjisë Vaskulare, Qendra Klinike Universitare e Kosovës, është kryer një operacion i rrallë dhe i ndjeshëm, për herë të parë në Kosovë.

Në një njoftim të Shërbimit Spitalor, Klinik, Universitar të Kosovës (ShSKUK) bëhet e ditur se mjekët kirurgë, bashkë me anesteziologë dhe pjesën tjetër të ekipit operativ, kanë operuar një pacient 76-vjeçar në arterien karotide të brendshme (arterie që ushqen trurin me gjak). Arteria ishte në formë spiraleje deri te hyrja e saj në tru dhe ishte e ngushtuar në origjinën e saj.

Sëmundjet e shfaqura në arterien karotide janë të rralla, me një rrezik të madh për të shkaktuar sulm në tru.

Pas operacionit, janë kryer ekzaminimet kontrolluese, ku është konstatuar se intervenimi kirurgjik është kryer me sukses të plotë dhe pacienti pas 3 ditë hospitalizimi, është liruar për në shtëpi në gjendje të mirë shëndetësore.

commentFirst article
Sot mund të lexoni Shfletoni kopertinat