Rreth 700 studentë të Preshevës preken nga masat e reja të Qeverisë së Kosovës

Kosova

Rreth 700 studentë të Preshevës preken nga masat e reja të Qeverisë së Kosovës

Më: 25 janar 2022 Në ora: 10:44
Muharrem Salihu

Rreth 700 studentë janë prekur nga vendimi i qeverisë së Kosovës për të ashpërsuar masat anti-COVID në kufi.

Kështu ka deklaruar anëtari i Forumit Ekonomik mbarë-shqiptar në Luginën e Preshevës, Muharrem Salihu.

Ai nënvizoi se janë prekur të gjitha grupet e interesit.

“Personat që studiojnë në Kosovë, ata pas fundjavës nuk ktheheshin dot në Kosovë. Janë të prekur edhe bizneset. Ka prekur të gjithë shtresat, kategoritë, grupet e interesit”, u shpreh ai.

Saliu tha se një pjesë e qytetarëve nuk kanë arritur kohën e mjaftueshme për të marrë dozën e tretë të vaksinës dhe e kanë të pamundur për të kaluar kufirin. Ai tha se presin që ky vendim të ndryshohet në ditët në vijim.

“Ishte një vendim arbitrar. Këto masa nuk kanë qenë të menduara”, përfundoi ai.

Nga 22 janari deri në datën 4 shkurt, qytetarët që duan të udhëtojnë drejt Kosovës, duhet të kenë certifikatë vaksinimi me 3 doza, ose një certifikatë vaksinimi me dy doza dhe një test PCR negativ.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat