Certifikohen zyrtarët e njësiteve elite të Policisë së Kosovës

Kosova

Certifikohen zyrtarët e njësiteve elite të Policisë së Kosovës

Më: 16 maj 2022 Në ora: 18:30
Foto ilustrim

Sot është mbajtur ceremonia e certifikimit të zyrtarëve të njësiteve elite të Policisë së Kosovës, përkatësisht  Njësitit Special Intervenues (NJSI) dhe Njësisë Speciale Operative (NJSO).

Në njoftimin e PK-së thuhet se kjo ceremoni u realizua pas një trajnimi profesional mjaft sfidues për zyrtarët policor.

Trajnimi u cilësua si motivues për të gjithë ata që arritën sot ditën e certifikimit, përfshirë edhe certifikimin e instruktorëve trajnues.

“Në ceremoni, zyrtarëve policorë me nga një fjalë rasti iu drejtuan Ministri i MPB-së, Xhelal Sveçla, drejtori i përgjithshëm i Policisë së Kosovës, Samedin Mehmeti dhe Kimberly Riffe nga ICITAP-i amerikan,  të  cilët vlerësuan lartë arritjet profesionale të zyrtarëve policorë si dhe i uruan me rastin e certifikimit dhe bashkëngjitjes së tyre me njësitet elitare të PK-së”, thuhet në njoftim.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat