Banorëve të Kaçanikut u bëhet apel ta vlojnë ujin para pijes

Kosova

Banorëve të Kaçanikut u bëhet apel ta vlojnë ujin para pijes

Më: 6 korrik 2022 Në ora: 12:32
Foto ilustrim

QKMF “Dëshmoret e Lirisë” në Kaçanik, apelon qytetarët që të vlojnë ujin para përdorimit, pasi ditëve të fundit kanë pranuar shumë pacientë me simptoma që shkaktohen nga uji i ndotur.

Bëhet fjalë për qytetarët e zonave Nikaj, Rekë, Biçec, Dubravë dje Doganaj.

QKMF thotë se situata është në kontroll dhe shumica e pacientëve janë në gjendje të mirë shëndetësore.

Gjithashtu njoftohet se për këtë rast është në dijeni edhe Instituti Kombëtar i Shëndetësisë Publike të Kosovës në Ferizaj, me ç’rast ata kanë marrë mostrat e ujit për analiza kimike dhe bakteriologjike.

Apeli i plotë:

Qytetarë të lokaliteteve Nikaj,Rekë ,Biçec,Dubravë ,Doganaj ju rekomandojmë që ujin për pije t,a vloni para përdorimit ,pasi që ujin që po e përdorni  për pije po dyshojmë se është i ndotur. Gjatë këtyre 2 ditëve kemi pasë raste të shumta të pacientëve me simptome të vjelljes,temperaturës,barkqitjes ,mundimit,plogështisë. Shumica e pacientëve janë në gjendje të mirë shëndetësore dhe janë trajtuar në QKMF  dhe deri më tani nuk e kemi asnjë pacient të hospitalizuar.

Situata është në kontrollë të plotë dhe nuk ka arsye për panikë. Ne si institucion kemi kontaktuar  Institutin Kombëtar të Shëndetësisë Publike të Kosovës në Ferizaj ,me ç’rast ata kanë marrë mostrat e ujit për analiza kimike dhe bakteriologjike dhe rezultatet i presim pas disa ditëve !

Poashtu edhe sot një ekip mjekësor nga IKSHPK-ja, në Ferizaj ka dalë në terren te këto lokalitete për të bërë edhe disa analiza shtesë! Drejtori Dr.Sinan Zeneli.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat