Rahimaj: Pengesa e vetme në Roganë ishin kushtet klimatike, kryeministri respektoi agjendën

Kosova

Rahimaj: Pengesa e vetme në Roganë ishin kushtet klimatike, kryeministri respektoi agjendën

Më: 8 gusht 2022 Në ora: 21:37
Kadri Rahimaj

Kryetari i komunës së Kamenicës, Kadri Rahimaj, ka thënë se disa media kanë plasur lajme të pavërteta, dhe se pengesa e vetme kanë qenë kushtet klimatike.

“Demantim i lajmeve të mediave nacionale e lokale mbi vizitën e Kryeministrit Kurti në Roganë”, ka shkruar Rahimaj në Facebook.

“Në turnirin e mbajtur dje në Roganë, ku i pranishëm ishte edhe Kryeministri i Republikës së Kosovës z. Albin Kurti, pengesa e vetme në zhvillimin e lojës dhe zgjedhjes së finalistit, kanë qenë kushtet klimatike”.

“Ceremonia hapëse si dhe fjalimet e secilit folës duke përfshirë këtu edhe Kryeministrin Kurti, kanë qenë të shkurtra, dhe nuk kanë qenë ato pengesa, siç është raportuar nga mediat lokale”.

Sipas Ramihaj, kryeministri e ka respektuar agjendën e përcaktuar nga organizatorët, duke folur vetëm katër minuta.

“Kryeministri Kurti ka respektuar dhe ndjekur agjendën e përcaktuar nga organizatorët e turnirit, me një kohëzgjatje prej jo më shumë se 4 min fjalim”.

“Ftojmë mediat, sidomos ato lokale, për korrektësi në informim të publikut. Në të kundërtën do të ndiqet rrugë ligjore për shpifje dhe dezinformim”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat