Krasniqi: Gruaja ime ma ka dëshmuar se vullneti i grave është më i fortë se rolet gjinore

Kosova

Krasniqi: Gruaja ime ma ka dëshmuar se vullneti i grave është më i fortë se rolet gjinore

Më: 24 shtator 2022 Në ora: 11:38
Memli Krasniqi

Kryetari i PDK-së, Memli Krasniqi ka folur sot në organizimin e Konventës Programore të Gruas Demokratike të Kosovës.

Ai tha se beson gruan autonome dhe në fuqinë e saj, duke thënë se kjo fuqi shpeshherë është me e madhe se e burrave.

“Unë besoj në gruan autonome dhe në fuqinë e saj, e shumë herë kjo fuqi është më e madhe sesa ajo e burrave. Këtë jo vetëm që e besoj, por edhe e kam parë në vepër dhe e jetojë me vite të tëra për çdo ditë”, u shpreh ai.

Krasniqi tutje u shpreh se edhe gruaja e tij ia ka dëshmuar se vullneti i grave është më i fortë se rolet gjinore që u vendosen.

“Është Meliza bashkëshortja ime ajo që gjithmonë ma ka dëshmuar se vullneti i grave për t’u realizuar në profesionet që ato zgjedhin është më i fortë se rolet gjinore që ua vendos shoqëria, qoftë si nëna, si kujdestare e çfarëdo tjetër, sidomos kur nuk kanë paragjykime shtesë. Pengesat për gratë janë evidente, prandaj është detyrë e jona që t’i evitojmë ato”, u shpreh tutje ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat