​Moti për javën e fundit të shtatorit

Kosova

​Moti për javën e fundit të shtatorit

Më: 25 shtator 2022 Në ora: 16:38
Foto ilustrim

Java e parë e vjeshtës parashihet me kushte të ndryshueshme meteorologjike.

E hëna fillon me vranësira të dendura, të cilat gjatë ditës parashihen të sjellin reshje shiu të intensitetit mesatar deri të lartë.

Kushte afërsisht të ngjashme të motit priten edhe ditën e martë, ku pos reshjeve parashihen edhe pak rreze dielli dhe mundësi për shkarkime rrufesh.

Të mërkurën vranësira më të theksuara dhe më pak reshje, të cilat nuk do të përfshijnë gjithë territorin. Të enjten dhe të premten do të mbajë mot më stabil dhe me rritje të lehta të temperaturave në të dy vlerat ekstreme.

Temperaturat minimale do të lëvizin ndërmjet 5-9 gradë Celsius, ndërsa maksimalet e ditës parashihen të lëvizin ndërmjet 16-22 gradë Celsius. Do të fryjë erë e lehtë deri mesatare nga drejtimi i perëndimit dhe veriperëndimit, njofton Instituti Hidrometeorologjik i Kosovës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat