Kryeministri i Republikës së Kosovës, Isa Mustafa, priti në takim lamtumirës shefen e misionit të UNICEF-it në Kosovë, Laila Omar Gad.
Kryeministri Mustafa vlerësoi punën dhe përkushtimin e zonjës Gad, duke e falënderuar për kontributin e dhënë në mbrojtjen e të drejtave të fëmijëve në Kosovë.
Duke folur për përkushtimin e Qeverisë së Kosovës në avancimin e mirëqenies së gjithanshme të fëmijëve, kryeministri Isa Mustafa theksoi rolin e rëndësishëm të UNICEF-it në këto procese.
Shefja e deritashme e UNICEF-it në Kosovë, Laila Omar Gad, e falënderoi kryeministrin Mustafa për bashkëpunimin e ofruar dhe vlerësoi angazhimet e Qeverisë për mirëqenien e fëmijëve.
