Në Prizren është vënë sot gurthemeli i stadiumit të futbollit “Përparim Thaçi”. E në këtë ceremoni ka marrë pjesë edhe kryetari i PDK-së, Kadri Veseli.
Veseli tha se Kosova krenohet me sportistët e saj të cilët kanë arritur suksese të mëdha anekënd botës.
“Fillimi i Ri do të jetë platformë e cila do të qëndrojë pranë rinisë sonë të mrekullueshme dhe pranë sportistëve tanë, të cilët meritojnë infrastrukturën evropiane sportive”, tha Veseli.
Përfaqësuesit e klubit futbollistik “Liria” e falënderuan kryetarin Veseli për vizitën e bërë dhe kujdesin që ka treguar në vazhdimësi për sportistët.
