Sami Lushtaku ka vendosur që pas lirimit të tij dhe daljes nga burgu vizitën e parë ta bëjë në kompleksin memorial të Jasharajve në Prekaz.
Lushtaku që u shpall i pafajshëm nga shkalla e tretë e Gjykatës Supreme, në deklaratën e parë të tij për media, pas daljes nga burgu i sigurisë së lartë në Gërdoc, ka thënë se “po dal nga një burg dhe po futem në një burg tjetër”.
“Emocionet i kam në kulm. Unë kam kërkuar drejtësi për vete dhe për kolegët e mi që fatkeqësisht janë brenda. Unë për vete po dal prej një burgu e po hy në një burg tjetër”, pohoi Lushtaku.
Për ta pritur lirimin e Lashtakut jashtë burgut ishin mbledhur familjarë e miq të tij.
Aty ishte edhe deputetja e Partisë Demokratike nga Skenderaj, Ganimete Musliu.
