Kandidati për asamble komunale nga radhët e “Vizionit për Drenasin”, Avni Miftari ka kritikuar kryetarin e Drenasit, Ramiz Lladrovci, për shkeljen e ligjit.
Miftari në një postim në Facebook, ka thënë se Lladrovci kundëligjshëm për fushatë me arsimtarë e drejtorë shkollash, po e përdor makinën zyrtare, përcjell Bota sot.
Postimit të tij, Miftari ia ka bashkangjitur edhe disa foto si dëshmi.
Reagimi i plotë:
Kryetari Lladrovci vazhdon me shkeljen e ligjit.
Pas fushatës së jashtëligjshme dje,me arsimtarë e drejtorë shkollash,ai vazhdon edhe sot
Ditë e dielë dhe makina zyrtare e komunës së Drenasit nis fushatën e sotme(me shefat ) në restaurantin “Kristal” në Komoran.
Keqpërdorim i taksave tona.
Jo gjatë,deri më 22 tetor dhe nuk do të keqpërdoret më buxheti i komunës.
Stop keqpërdorimit.
Stop politizimit të shkollave./BS
