Përmirësim i motit, me rritje temperaturash, diell dhe vranësira.
Temperaturat e ajrit do të shënojnë rritje në të dy vlerat, me minimale nga 4C deri në 7C, e maksimalet do të sillen nga 18C deri në 20C, sipas Prishtina Weather.
Pas përkeqësimit të motit në fundjavë, që solli edhe reshjet e para të borës mëngjesin e së shtunës, gjatë kësaj jave, me shtrirjen e fushave të presionit të lartë mbi rajon, pritet përmirësim i motit, me intervale më të gjata me diell, ndërkohë që masa të ngrohta ajrore nga Mesdheu do të sjellin rritjen e temperaturave rreth vlerave mesatare.
Të martën dhe mërkurën do të mbajë mot me vranësira të pjesshme, por me intervale më të gjata me diell. Nga dita e enjte, pritet të mbajë mot i mirë dhe kryesisht me diell.
