Organizata studentore “Studim, Kritikë, Veprim” ka organizuar një aksion sibmolik përmes së cilit shpreh pakënaqësitë me zhvillimet e fundit në arsimin në Kosovë.
Studentën kanë vendosur një poster të komunikatës me plot gabime të Ministrisë së Arsimit Shkencës dhe Teknologjisë, në obkejtin e kësaj ministrie. Kjo komunikatë ishte dërguar mediave ditë më parë, ndërsa studentët e përdorën për aksionin e tyre simbolik.
“Zgjidhja nuk është fshehja e rezultateve, zgjidhja bëhet duke i njohur e duke i përmirësuar ato. Kjo nuk do të ndodhë përderisa në një komunikatë për media kjo Ministri bënë dhjetëra gabime drejtshkrimore në rreth 4 paragrafë tekst. Sot përmes këtij aktiviteti po i korrigjojmë gabimet e kësaj Ministrie, por gabimet e njëpasnjëshme që po ndodhin do ti përgjigjemi me rezistencë” kanë deklaruar nga kjo organizatë.
Aksionin SKV-ja e zhvilloi në Ditën e Mësuesit kur shënohen 131 vjet të hapjes së shkollës së parë shqipe në Korçë.