Kryetari i Komunës së Malishevës, Ragip Begaj, sot ka pritur në një takim të rregullt, komandantin e Detashmentit të Përbashkët Rajonal të Jugut, kolonelin Cen Sinan Barim, cili është edhe komandant i kontingjentit turk në kuadër të KFOR-it. Begaj dhe Barim, vlerësuan bashkëpunimin e mirë mes Komunës së Malishevës dhe KFOR-it.
Fillimisht kryetari Begaj, i njoftoi zyrtarët e KFOR-it, me një pasqyrë të përgjithshme të Malishevës, duke filluar nga formimi dhe shpërbërja e Komunës së Malishevës, dy herë radhazi, e deri në ditët e sotme, pastaj i njoftoi me numrin e popullsisë, zhvillimin e përgjithshëm, si dhe për bashkëpunimin e vazhdueshëm me KFOR-in, si dhe me njësinë e LMT-së në Malishevë.
Nga ana tjetër, koloneli Barim, gjithashtu e ka vlerësuar lartë bashkëpunimin mes komunën, dhe pasi u interesua për shumë çështje që lidhen me Malishevën, shprehi gatishmërinë e KFOR-it, për ofrimin e ndihmës përmes inxhinierëve, për riparimin e digës së liqenit në Mirushë.
