Njoftim i rëndësishëm nga Policia e Kosovës

Kosova

Njoftim i rëndësishëm nga Policia e Kosovës

Më: 16 maj 2018 Në ora: 16:16
Foto ilustrim

Një shumë e konsiderueshme parash është gjetur në dyshemenë e një marketi në Fushë Kosovë.
Zyra e policisë së rajonit të Prishtinës, ka njoftuar se kanë pranuar informatën dhe se kanë filluar menjëherë me identifikimin e personit të cilit i kanë humbur paratë.

“Megjithëse nga ana e policisë janë ndërmarrë një varg veprimesh për identifikimin e personit, kjo gjë nuk është arritur. Për këtë arsye kërkojmë ndihmën tuaj, për publikimin e këtij njoftimi”, thuhet në njoftimin e policisë.

Policia përmes njoftimit ka kërkuar nga personi të cilit i kanë humbur paratë, të paraqitet në polici.

“Shuma e parave të humbura gjendet në stacionin policor në Fushë Kosovë, andaj lusim qytetarin që të paraqitet në stacionin policor për t’i marrë paratë”, thuhet në fund të njoftimit.

commentFirst article
Sot mund të lexoni Shfletoni kopertinat