Shmangia nga tatimi, ATK vihet në aksion - Bota Sot
Shmangia nga tatimi, ATK vihet në aksion

Kosova

E hënë, 22 tetor 2018

Shmangia nga tatimi, ATK vihet në aksion

Më: 17 maj 2018 Në ora: 15:47
Shmangia nga tatimi, ATK vihet në aksion

Departamenti i Hetimeve Tatimore dhe Inteligjencës (DHTI) sot ka zhvilluar një aksion të gjerë në 6 lokacione të ndara, nën dyshimin e veprës penale shmangie nga tatimi.

Me këtë rast janë bastisur tri lokacione në Ferizaj, dy subjekte tatimore dhe një zyrë e kontabilitetit, një subjekt tatimor në Kamenicë, një zyrë e kontabilitetit në Prishtinë dhe një subjekt tatimor në Graçanicë, me ç’rast janë sekuestruar fakte dhe dokumente që ndërlidhen me transaksione të dyshuara fiktive.

Dokumentet e sekuestruara janë 5 shtëpiza kompjuteri, dy laptop, një hard disk, një flash disk, si dhe libra të blerjes, libra të shitjes dhe fatura të ndryshme dhe prova të tjera që janë relevante.

Pas përfundimit të bastisjes, në zyrat e DHTI-së janë shoqëruar për intervistim 4 persona lidhur me veprimet dhe përgjegjësitë e tyre ligjore.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test