Nesër, (e enjte, 14 qershor 2018), Ministria e Infrastrukturës do të mbajë ceremoninë e përurimit të segmentit të tretë (i parafundit) të autoudhës R6, “Arbën Xhaferi”, Prishtinë-Hani i Elezit.
Përurimi këtij segmenti, do të mbahet nën moton e kampanjës “JO SHPEJTËSISË, PO SIGURISË”, e cila kampanjë ka për qëllim vetëdijësimin e ngasësve të automjeteve dhe rritjen e sigurisë në trafik.
Ceremonia e përurimit të segmentit të tretë do të mbahet në kyçjen "Doganaj" (Kaçanik), me fillim nga ora 11:00.
Ministria e Infrastrukturës fton median tuaj që të merr pjesë në këtë aktivitet të rëndësishëm për qytetarët e vendit tonë.
