Kokaina po përdoret me të madhe në Kosovë

Kosova

Kokaina po përdoret me të madhe në Kosovë

Më: 26 qershor 2018 Në ora: 09:11
Ilustrim

Sot shënohet Dita Botërore kundër Abuzimit dhe Trafikimit të Drogave.

Shefi i sektorit për bashkëpunim dhe parandalim në Drejtorinë e Antidrogës në Policinë e Kosovës, Bajram Nuhiu, tha se kjo Drejtori po punon në parandalimin e përdorimit të drogave.

“Ka nevojë që Kosova të shtojë aktivitetet për parandalimin e drogave”, tha ai në televizionin publik.

Ai bëri me dije se në Kosovë janë prezente disa lloje të drogave si: marihuana, kokaina, heroina dhe ekstaza. “Vitin e kaluar kemi pasur rreth 1900 kg të llojit marihuanë të konfiskuar, për heroinë ka rënie të saj, kurse ka shtim të rasteve të kokainës”, theksoi ai.

Sipas tij, mosha 20 deri në 35 vjeçare është më shumë ajo që ka të bëjë me frekuentimin e drogave.

Sipas tij, Policia e Kosovës po organizon aktivitetin “Stop Drogave” në shkolla e cila ka rezultuar me sukses.

commentFirst article
Sot mund të lexoni Shfletoni kopertinat