Zyra e drejtorit të Përgjithshëm e Shërbimit Spitalor dhe Klinik Universitar e Kosovëska njoftuar se në asnjë mënyrë, drejtori i përgjithshëm dhe drejtoria e SHSKUK nuk përdorë standarde të dyfishta dhe nuk ka tolerim për mos respektim të orarit të punës ndaj askujt.
Sipas SHSKUK, kushdo që nuk e respekton orarin e punës, detyrat dhe përgjegjësitë që ka me kontratë të punës do të ndërmerren masa ligjore.
“Lidhur me punëtorët e suspenduar që nuk kanë qenë në kujdestari, lënda është në komision disiplinor të QKUK-së dhe do të vendos komisioni disiplinor si organ i pavarur. Po ashtu, lidhur me punëtoren që është cekur në medie lënda ndodhet në komision disiplinor meqë është raportuar nga ana e Klinikës së Psikiatrisë dhe i takon komisionit disiplinor të vendosë. SHSKUK nuk po përdorë standarde të dyfishta dhe sigurojmë se kushdo që nuk e respekton orarin e punës do të përballet me masat disiplinore që parashihen me Ligj dhe rregulloret e punës që janë në fuqi”, thuhet në komunikatën e SHSKUK.