ORCA njofton se sot Senati i Universitetit të Prishtinës ka futur për herë të parë një revistë në listën e revistave të dyshimta.
Sipas ORCA-s revista, International Journal of Pharmaceutical Sciences Review and Research është thumbuar nga Dr. Rrush Kalaveshi nga Universiteti i Ranillukut (pra nga një person fiktiv), duke publikuar punimin e tij po ashtu fiktiv.
“ Me t’u informuar për këtë çështje Senati ka vendosur të marrë masa. Në përgjigje të kësaj situate Senati i UP-së ka përjashtuar nga përllogaritja punimet e publikuara në këtë revistë dhe i ka kthyer kandidatët sipas procedurave në Këshill të Fakultetit”, thuhet në njoftimin e ORCA-s.
ORCA mendon se kjo është mënyra e duhur për avancim të cilësisë dhe i bën thirrje ministrit të Arsimit ta mbështesë publikisht vendimin e Senatit për të krijuar një atmosferë të përgjithshme në favor të cilësisë.