Filloi shpërndarja e 100 serrave për fermerët e Llapit - Bota Sot
Filloi shpërndarja e 100 serrave për fermerët e Llapit

Kosova

Filloi shpërndarja e 100 serrave për fermerët e Llapit

Më: 13 shtator 2018 Në ora: 13:56
Foto

Komuna e Podujevës ka vazhduar me programin e subvencioneve në bujqësi, duke shpërndarë 100 serra, për fermerët përfitues.

Në kuadër të implementimit të këtij projekti, serra e parë është vendosur te familja e Sabri Poterës, ku ishte i pranishëm edhe Kryetari i Komunës së Podujevës, Agim Veliu, i shoqëruar nga drejtori i Bujqësisë Pylltarisë dhe Zhvillimit Rural, Vezir Januzi.

Kryetari Veliu me këtë rast uroi fermerin përfitues dhe shprehu përkushtimin e tij dhe të Komunës për të rritur mbështetjen për sektorin e bujqësisë.

“Sot filluam me montimin e serrës së parë për 100 fermerët përfitues. Krahas këtij projekti, mbështetje përmes subvencionimit në bujqësi, po ofrojmë edhe në fusha të tjera, siç është përkrahja e fermerëve me fidanë të dredhëzave industriale dhe me bimë aromatike”, tha Kryetari Veliu.

Kryetari Veliu premtoi se do të bashkëpunojë ngusht edhe me institucione të tjera, të cilat kanë në fokus bujqësinë dhe zhvillimin rural, në mënyrë që të sigurohet mbështetje edhe më e madhe për fermerët llapjanë, bazuar edhe në kërkesat e mëdha për subvencionime.

 Drejtori i Bujqësisë, Vezir Januzi tha se, sot është filluar me vendosjen e dy serrave, ndërsa i tërë procesi i montimit të 100 serrave do të përmbyllet brenda 30 ditëve.

Në projekt parashihet që brenda serrës të vendoset edhe sistemi i ujitjes dhe rezervuari i ujit. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...