Kryesuesja e Kuvendit të Skenderajt, nga radhët e PDK-së, Fatbardha Haliti, ka reaguar ndaj bashkë partiakëve të saj në lidhje me reagimin e PDK-së pas incidentit në Kuvendin Komunal dje, gjatë miratimit të buxhetit të Komunës.
Sipas Halitit, një grup i caktuar për interesa krejtësisht personale ka degraduar PDK-në në pozitë të atillë që të del kundër investimeve në Skenderaj, dhe këtë sipas saj nuk ua kanë borxhe qytetarët e Skenderajt.
Ajo madje tha se ka pasur ndikim në disa asamblistë të PDK-së që të mos e votojnë buxhetin e komunës.
Haliti i ka bërë thirrje kryetarit të PDK-së, Kadri Veseli që të dëshmojë se është pro femrës në vendimmarrje, dhje të mos lejojë degradimin e degës së PDK-së në Skenderaj.
“Si femra e parë kryesuese në Asamblenë e Skenderajt sinqerisht kam pritur mbështetje më të fuqishme nga Partia Demokratike e Kosovës dhe nga kryetari Kadri Veseli, të cilin e ftojë që të dëshmoj se është pro femrës në vendim marrje, pro reformës në PDK dhe të ndalojë këtë degradim dhe privatizim të PDK-së, në Skenderaj”, ka shkruar aj duke publikuar listën e asamblistëve dhe votave të tyre për buxhetin.
Më poshtë mund të lexoni postimin e saj të plotë:
Të nderuar qytetarë të Skenderajt,
Urime miratimi i buxhetit të komunës, i cili u hartua sipas kërkesave tuaja, ky buxhet u draftua duke dëgjuar secilin nga ju në 14 dëgjime buxhetore në çdo bashkësi lokale me qytetarët e të gjitha lokaliteteve, gjë të cilën nuk e ka bërë asnjë komunë në Kosovë.
Si kryesuese e Asamblesë nga radhët e PDK-së, ndiej keqardhje për një pjesë të asamblistëve që janë nga Partia ime të cilët votuan kundër Buxhetit të Komunës, votuan kundër projekteve infrastrukturore e zhvillimore të Skenderajt, votuan kundër buxhetit që qytetarët e kërkuan, votuan kundër interesit të qytetarëve të Skenderajt, këtë e bënë vetëm për interesa krejtësisht personale e grupore dhe për më keq edhe nxitën dhunë për çka ndiej keqardhje.
Partia ime, Partia Demokratike e Kosovës në Skenderaj, nga një grup i caktuar për interesa krejtësisht personale ka degraduar në pozitë të atillë që të del kundër investimeve në Skenderaj, këtë nuk j’au kanë borgjë qytetarët e Skenderajt.
Ata që i shtyten një pjesë të deputetëve të PDK-së, të votojnë kundër buxhetit të Skenderajt dje, ndërsa sot lëshojnë reagime në emër të Degës së PDK-së në Skenderaj, pa marrë asnjë mendim të asnjë anëtari të kryesisë apo anëtari të KD, apo edhe anëtari të asamblesë të PDK-së, ka kohë që këtë subjekt në Skenderaj e trajtojnë si pronë private të tyre pa përfillur asnjë normë të demokracisë dhe përgjegjësisë publike.
Si femra e parë kryesuese në Asamblenë e Skenderajt sinqersht kam pritur mbështetje më të fuqishme nga Partia Demokratike e Kosovës dhe nga kryetari Kadri Veseli, të cilin e ftojë që të dëshmoj se është pro femrës në vendim marrje, pro reformës në PDK dhe të ndalojë këtë degradim dhe privatizim të PDK-së, në Skenderaj.
Kur jam futur në politikë pritjet e mia kanë qenë të mëdha, kryetar Kadri Veseli, mos na zhgënjeni, sepse ka plotë femra dhe të rinj që sytë i kanë drejtuar nga ju, po presin vendimin tuaj, për reforma apo për të vazhduar me këtë degradim.
Në votimin për buxhetin e vitit 2019 morën pjesë 28 asamblistë, të cilët votuan 15 vota Pro, 11 kundër dhe 2 abstenime:
Fatbardha Haliti PDK - Pro
Azem Gashi PDK - Pro
Fatlume Kodra PDK - Pro
Musa Fazliu PDK - Pro
Ilir Ejupi PDK - Pro
Musa Hajdari PDK - Pro
Naser Bajraktari PDK - Pro
Driton Hetemi PDK - Pro
Sami Aruqi PDK - Pro
Qazim Xani AAK - Pro
Beqir Veliu NISMA - Pro
Berat Dajaku FJALA - Pro
sa Fejzullahu LDK - Pro
Pajazit Isufi AKR - Pro
Donika Rushiti E Pavarur - Pro
Ismet Salihu PDK -
Kundër Jetulla Geci PDK -
Kundër Rasim Shala PDK -
Kundër Sahit Çitaku PDK - Kundër
Albert Rexhepi PDK - Kundër
Lavdie Geci PDK - Kundër
Besarta Meha PDK - Kundër
Fitore Manxholli i PDK - Kundër
Adelina Spahiu PDK - Kundër
Malsor Bejta 41000 - Kundër
Drenusha Hajzeri AKR - Kundër
Hysni Mehani LVV - Abstenim
Vjollca Ramadani LVV - Abstenim
Sinqerisht, Fatbardha Haliti
