Limaj merr pjesë në zbulimin e përmendores së Shën Terezës, vlerëson lartë kontributin e saj - Bota Sot
Limaj merr pjesë në zbulimin e përmendores së Shën Terezës, vlerëson lartë kontributin e saj

Kosova

Limaj merr pjesë në zbulimin e përmendores së Shën Terezës, vlerëson lartë kontributin e saj

Më: 30 shtator 2018 Në ora: 11:59
Limaj merr pjesë në zbulimin e përmendores së Shën Terezës, vlerëson lartë kontributin e saj

Zëvendëskryeministri i Kosovës, Fatmir Limaj ka marrë pjesë në inaugurimin e monumentit të Shën Nënë Terezës, në Trevizo të Italisë.

Më këtë rast, Limaj ka vlerësuar lartë figurën e Shën Terezës.

Ai ka thënë se përurimi simbolik i Shën Terezës tregon edhe njëherë zemrën e madhe dhe shpirtin e madh të një kombi të vogël i cili ka nxjerrë një bijë kaq të madhe, e cila, siç thotë Limaj i ka shërbyer gjithë njerëzit me shembullin dhe kontributin e saj.

“I ka shërbyer njerëzve në nevoje me dashuri për ata që kanë pasur nevoje dhe ka qenë afër tyre që kanë pasur nevoje. Këtë përmendore e bën edhe me madhështore që jemi në vitin e Skënderbeut heroit tonë kombëtar, i cili i jep kuptim qenies tonë kombëtare dhe është identiteti ynë kombëtar”, ka thënë Limaj.

Më tutje, ai ka thënë se të gjithë ata që kanë bërë të mundur ngritjen e kësaj përmendore e kanë nderuar jo vetëm figurën e shenjtë të saj, por edhe kombin shqiptar në përgjithësi.

Limaj ka falënderuar edhe autoritetet italiane të cilat kanë bërë të mundur që mërgimtarët tanë në Itali të jenë të organizuar dhe të kenë kushte për të kultivuar traditën e tyre.

Limaj në emër të Qeverisë së Republikës së Kosovës i ka falënderuar iniciuesit e këtij projekti. Pjesë e këtij manifestimi ishin edhe zëvendësministrat Anton Berisha, Gjergj Dedaj e Afrim Bekteshi.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...