Me iniciativën e bashkatdhetarit Muhamet Stublla, me qëndrim të përkohshëm në Gjermani, të shtunën ka mbërritur një kontingjent me ndihma për QKMF-në Podujevë. Kontigjenti i ndihmave të grumbulluara në Republikën Nidezasken të Gjermanisë përfshin pajisje dhe inventar të ndryshëm për QKMF, karroca për personat me nevoja të veçanta, që do t’i dhurohen Shoqatës “Handikos”.
Kryetari i komunës Agim Veliu, falënderoi iniciatorin dhe kontribuuesit e tjerë grumbullimin dhe sjelljen në Podujevë të këtij donacioni.
“Këto pajisjet dhe inventari, që soll i bashkatdhetari ynë, do të ndihmojnë për punë me efikase të stafit mjekësor dhe në përmirësimin e shërbimeve për pacientët”, tha kryetari Veliu. Aksionin për grumbullimin e ka ndihmuar edhe bashkatdhetari Hetem Misimi dhe humanisti gjerman Bernhard Serwuschok.
QKMF në Podujevë edhe herë të tjera është ndihmuar me pajisje dhe inventar, të grumbulluara në Gjermani me iniciativën e bashkatdhetarit Muhamet Stublla. Në shenjë falënderimi për kontributin në donacionin e dhuruar, kryetari Veliu nderoi me mirënjohje bashkatdhetarët Muhamet Stublla dhe Hetem Misimi si dhe humanistin gjerman Bernhard Serwuschok.