Iniciativa qytetare Orllan dhe OJQ Sundimi i Demokracisë në Kosovë në bashkëpunim me banoret e Orllanit me rrethin pritet të protestojnë pasnesër, më 5 tetor, për rrënimet që janë bërë në Orllan.
Sipas një njoftimit, protesta do të mbahet në ora 14:00 ku do të kërkohet të ndalohen rrënimet dhe të krijohen vende të reja të punës, duke theksuar se banorët e kësaj ane po largohen për shkak të mungesës së invenstimeve.
Ky është njoftimi i tyre:
Iniciativa qytetare Orllan dhe OJQ Sundimi i Demokracisë ne Kosovë ne bashkëpunim me banoret e Orllanit me rrethin organizojnë Protestë
NJOFTIM për PROTEST
Data 05.10.2018
Ora : 14:00
Vendi Orllan pika e karburantit marshi deri te Shkolla
Mjaft me rrënime, duam investime
Kërkesat janë shqetësimi i banorëve te Orllan nga rrënimet qe po behën , krijimi i paqartësive nga institucionet përkatës , kërkesa për një projekt zhvillimor ekonomik për Orllanin me rrethin
Kërkojmë ndërprerjen e rrënimeve pa plan për investime
Orllani nga një Komunë qe ishte dikur me mbi 30.000 banor është kthyer ne një vend me 3000 banor , krejt kjo ka ndodh si mungesë e investimeve nga institucionet tona , po nuk mungon rrënimi dhe shfrytëzimi i resurseve tona nga institucionet tona
Ju bëjmë thirrje bashkëvendëseve qe janë banor dhe atyre qe janë shpërngulur nga Orllani dhe fshatrat përreth te bashkëngjiten ne Protestë te kërkojmë investime ne rrugët e 11 fshatrave përreth Orllanit , plan-Projekt për zhvillimin e turizmit qe te krijohen vende pune ne mënyrë te mos ketë shpërngulje te banorëve.
MMPH dite me par ka marr vendim për rrënimin e disa objekteve te përkohshme qe gjenden përreth liqenit ne Orllan ku përfshihen edhe trasat e restoranteve.
Në mungesë të vendeve të punës dhe nevojave tjera familjare, si shkollimi shëndetësia, punësimi, shumë banorë kanë ikur nga kjo zonë, duke krijuar një zonë gati të boshatisur e që në periudhën e fundit kohore zhvillimi i turizmit dhe hapja e disa restoranteve i kanë mundësuar shumë të rinjëve të kësaj treve që të punësohen dhe të njëjtit kanë gjetur një arsye për të mos u shpërngulur pasi janë punësuar në vendlindjen e tyre.
Vendimi për rrënimin e këtyre objekteve të vendosura përkohësisht, mund të ndikoj drejtpërdrejt në pamundësinë e jetesës për këta të rinjë dhe detyrimin e tyre të ikin për shkak se nuk ka ndonjë alternativë tjetër për punësim në këto treva.
